Hebrews 13

Zokwadna n gnaɓi-i

1Yi ye najeyi ntu ge yi zhin gmanyi-gmanyi nu. 2Yi ye na zhiɓeiyi Aza ho ɓei ku zhin lo nu na malaikayi amma ɓa to ɓei kpe m. 3Pa za ɓo nɓa fi n kurkuku nyi, gye she a ga aza wahala. Sun wahala n kun-sun ɓai. Sun wahala yi n gye kwo zhin ho nya nu.

4Fye la mula ɓo shi dei-dei. Kada a zhin fye agma fya wunya. N fya wunya Shekwoyi ɓei dafye wa.

5Fye to ku ze agyiwye ye yi m. Zhin godiya n nya yi n ho cei lo. Shekwoyi ɓei gna ge wo ta ya yi m. Mi kun-sun lo n fyei nyalo-nyalo. Nɓa ga fye nyagyi cici. 6Ntu na alkawali ye ɓo yi ɓa da ɓo ntna edna, “Shekwoyi nu zhin mi bmazhin yi mi ta wo oza dna m.”

7To fya ze ofye azakowyi amwi dna n Yesu ye m, Ɓa ɓei kpema Shekwoyi ɓa zan-zan n dna woyi. Fye vi ɓa pita bwi.

8Yesu ta shan do n, Nya wo ɓei nyi n su nyi, wo zhin kwo nu n naiye kuma har nyalo-nyalo. 9Shi Shekwoyi ta shan do nyin, to ye a malami doho-doho ɓa dna fye kwoce n nyawu nukwoyi m. Fa Shekwoyi alheri kwa ga fye kala. To ge anyagyi ho pya awyidna ko kwa zhibaje m, ɓa zhin banza nu-nnaza ba nɓa gyi ɓa nyi.

10Eyi nyagyi gyi zafun nya kwo zhin zundu nu oza n wo dna awyidna kwo-kwoyi sunta wo to deye anabarka yi lo m. 11A Yahudiyi ɓei zhin apma n na nyakpa yi nu ntu sadaka ɓo, ɓa ɓei zhin ɓa wu nyap-kpa ɓa lo ɓa gyi kona n zhimi avun. A mi da ɓa ɓe n cei n Shekwoyi nyakun. Deye ɓei zhin sadaka ntu alaifi ɓo nu. 12Cenu ɓei zhin a wu Yesu n pifun, wa ga sadaka owo nyai nya ntu yi a laifi ɓo.

13Yi shegun Yesu n zhimi avun. Wato to ge nanyi ye mi m. Yi sun wahala ɓedo n vinyikwo yi n kun-sun woi. 14Anyi ye to zhin yi nya nun, yi pmi eya ʼpa, nyalo-nyalo nya nu, wato eshe.

15Yi ga Shekwoyi mwa-mwa, kwo nu zhin yi sadaka ga. Yi zhin dna n Yesu ye. Yi gna azaje owo eye mwa-mwa ɓo, yi ci wo. 16To ze ɓemana zhin amwi m, zhin aɓo manayi. Ce nya ga aza n ɓa to cei lon. Nyaga nu Shekwoyi ye n cei.

17Ga aza mwa-mwa n ɓa du ho, nwyihoi ɓa ɓei wu Shekwoyi oɓa tnu-tnu. Ndei fya ga ɓa mwa-mwa tnu-tnu ɓa da ɓa zhin. Ko ɓa bma fyehin zhin ce. 18Fye zhin aduwa ntu yi ɓo, yi ye ya zhin tnu-tnu ɓehinhin nya nu n ɓefyece yi. 19Ntu cenu fye zhin aduwa ntu mi ɓo, ko n naiye ma fye ya zhin, mi cei pma ma ɓe fya ba sa fyewyi.

20Shekwoyi wo tu fye anabarka, wonu ɓei la Yesu ka. Yesu kwa wo nu zhin knikna yi, wotu fye anabarka ntu owo ami zeya ɓo, dna n na alkawali woi-woyi. 21Shekwoyi wo gba fya bukata ntu ge fya zhin wo ɓeye. Wo zhin ɓo n yi-i, nwo cei pma, wo zhin ntu Yesu ɓo. A ga Yesu mwa-mwa nyalo-nyalo.

22Omi-azaje, kna tnubua n ɓo mi ku da dna n wasika ye mi. 23Ala Timatawus loya n kurkuku, yi ɓa kun ɓe n woi. Kpekni sa fyewyi wo ɓa ɓe ma ba. 24Fye ɓi fya atukwo da gna ga mi, a Yesu viyi dna nu Italiya, ɓa ɓi fye gna lo. 25Shekwoyi alheri ɓa kun-sun n fyei nyalonyalo. Amin.